Анагаахын тэнхим

Нийт багш: 62

Оюутны тоо: 1950

Төгсөгчдийн тоо: 508

Анагаах ухааны тэнхим нь 2009 онд 8 багштайгаар байгуулагдахдаа эмчилгээ, эм зүй,био-анагаахын мэргэжлээр боловсрол олгодог байв. Харин 2010 оноос уламжлалт анагаах ухааны ангийг шинээр нээсэн бөгөөд 2012 онд тус тэнхимээс Био-анагаах инженерчлэлийн тэнхим бие даан салбарлажээ. Өдгөө тэнхимийн багш нарын 45 хувь нь эрдмийн зэрэг цолтой аж.

ТЭНХИМИЙН ОНЦЛОГ

Анагаахын оюутнууд хичээлдээ суухдаа цагаан халаад зайлшгүй өмсдөг тул сургуулийн орчин яг л эмнэлэгт буй мэт мэдрэмж төрүүлэх нь бий. Үүнээс гадна эрдэмтэн багш нар ирээдүйн эмч нарт мэргэжлээс гадна хүнлэг чанарыг эзэмшүүлэхэд голчлон анхаардаг юм.

Оюутнууд дадлагаа клиникийн нэгдсэн I, II, III эмнэлгүүдэд, харин үйлдвэрлэлийн дадлагаа хөдөө орон нутагт хийдэг байна.

КАБИНЕТ, ЛАБОРАТОРИ

Тэнхим Морфологи, гистологи, физиологи,эмгэг физиологи, мэс заслын, эмийн ургамлын,уламжлалт анагаах ухааны гэсэн сургалтын кабинетуудад хичээл ордог.

Лаборатори, кабинет болгон өөрийн онцлогтой.Эмийн сангийн болон үйлдвэрийн технологийн лабораторид оюутнууд эм бэлдмэлийг үйлдвэрлэх технологийн шат дамжлагыг гардан хийж сурдаг бол Эмийн ургамлын кабинетад олон зүйлийн эмийн ургамлыг нүдээр харж, таньж сурдаг байна.

Бямбарагчаагийн НИНЖБАДГАР Оюутны холбооны тэргүүн, Уламжлалт анагаах ухааны 5-р курсийн оюутан. Эмч болоход нөлөөлсөн хүн: Эмээ Эмч хүний бахархал: Нэг гэр бүлийн аз жаргал эмч хүний гарт л байдаг Шантрах үе: 1, 2-р курс

“Арван жилийн сургуулиа төгсөхөөс өмнө эмч болно гэдэгтээ нэг л итгэлгүй байв. Гэтэл нэг шөнө сэхээн амьдруулахын эмчээр ажилладаг эмээтэйгээ жижүүрт хонох хэрэг гарав. Тэр орой эмээ дээр хүнд өвчтэй хүн ирэхэд ар гэрийнх нь айж түгшсэн байв. Тэгтэл тэр хүн сэхээд, бие нь дээрдэхэд гэрийнх нь ямар их баярлаж,аз жаргалтай байгааг хараад эмч болохоор эргэлт буцалтгүй шийдэж билээ.”