“Этүгэн инновацын өдрүүд”-ийг гурав дахь удаагаа "Өнөөдрийн инновац–Маргаашийн хөгжил" сэдвээр 2024 оны 11 дүгээр сарын 27, 28-ны өдрүүдэд Этүгэн их сургууль зохион байгуулна.

“Этүгэн инновацын өдрүүд-III” нь шинжлэх ухаан, инновацийн бүтээл, төсөл хөтөлбөр, технологийн туршилт, судалгааны ажлын үр дүнг танилцуулж, цаашид салбар болон нийгмийн тулгамдсан асуудлыг шийдвэрлэх хамтын ажиллагаа, хөгжлийн чиглэлийг тодорхойлох зорилгоор эрдэм шинжилгээ, судалгааны байгууллагууд, аж ахуй нэгж, компаниуд, судлаач багш ажилтан, суралцагч, төгсөгчид 14 хэсгээр, 2 өдрийн турш хамтран ажиллана.

"Өнөөдрийн инновац–Маргаашийн хөгжил" сэдвийн хүрээнд (1)Судалгаа, төслүүдийн үр дүн, (2)Багш, ажилтан, суралцагчдын инновацын бүтээл,  (3)Сургалтын хөтөлбөр, үйл ажиллагааны сайн туршлага, (4)Этүгэн соёл, хүн байхуй төслийн үр дүн, туршлага, (5)Хөгжлийн шийдэл, дотоод, гадаад түншлэл гэсэн 5 үндсэн чиглэлээр инновацын бүтээл, үйл ажиллагааны сайн туршлагаа хуваалцах, хамтран ажиллаж, харилцах суралцах боломж бүрдүүлнэ.

Хэзээ: 2024 оны 11 дүгээр сарын 27, 28-ны өдрийн 09:00-17:00 цагт

Хаана: Этүгэн их сургуулийн хичээлийн I, IV, V байр