СПОРТ ЗААЛ   

Цагирганы өндөр нь 3.05 м, талбайн урт 28 м харин өргөн нь 15 метр. ЭНЭ БОЛ ОЛИМПИЙН НААДАМД МӨРДӨГДДӨГ СТАНДАРТ ХЭМЖЭЭ. Этүгэний сагсан бөмбөгийн талбай яг ийм хэмжээтэйгээс гадна 3 давхар жийргэвч резин бүхий модон шалтайгаараа онцлог. Ингэснээр тоглогчдын бэртэл гэмтэл авах магадлал багасгадаг төдийгүй ирээдүйд үе мөчний өвчтэй болохоос сэргийлдэг байна.
Авьяастай тоглогч агуу хэмээгдэхэд гурван зүйл гүүр болдог. Тэр нь стандарт талбай, сайн дасгалжуулагч, шаргуу зүтгэл. Тэгвэл эд бүгдийн уулзвар цэг нь Этүгэний спорт цогцолбор юм.

 

 

---

УСАН БАССЕЙН             

Хичээлийн 4-р байранд байрлах усан бассейн нь ОХУ-ын стандартын дагуу 1986 онд  баригдан үйл ажиллагаагаа явуулж ирсэн бөгөөд нэг удаагийн оролтоор 140-160 үйлчлүүлэгч хүлээн авах хүчин чадалтай Улаанбаатар хотын хамгийн том бассейн юм.

Тус бассейн нь 18х25м хэмжээтэй, 6 замтай, 1.5-4м гүн учир бүх төрлийн сэлэлт хийх боломжтойгоос гадна гүний шумбалт, өндрөөс үсрэлтийн бэлтгэл сургуулилалт явуулах боломжтойгоороо давуу талтай. Одоогоор 8 багш дасгалжуулагч, 4 аврагч, 2 эмч, 1 усны лаборант, 1 шинжилгээний лабораторийн эрхлэгчтэй үйл ажиллагаа явуулж байна.

Тус төвийг олон улсын стандартад нийцсэн жишиг спорт комплекс болгон дараагийн шатанд хөгжүүлэх зорилгоор их засварын ажлыг хийж 2023 онд багтаан хүлээлгэн өгөхөөр ажиллаж байна. Энэхүү бүтээн байгуулалт хэрэгжсэнээр үндсэн бассейн, лобби, хувцас солих хэсэг шинэчлэгдээд зогсохгүй шинээр 10х4.6m  хэмжээтэй хүүхдийн бассейн, уурын өрөө, хуурай саун, 412 м2 фитнес клуб болон 300 м2 кофе шоп нэмэгдэж ашиглалтанд орох юм.

---

АМЖИЛТ ФИТНЕСС ТӨВҮҮД

Хичээлийн 2,3,4 -р байруудад байрлах 3 салбарын нийт 939 м2 талбайд нэгэн зэрэг 140 үйлчлүүлэгчид фитнес, бүжиг, аэробик, спиннинг, бокс гэх мэт олон төрлийн спорт хөдөлгөөнөөр хичээллэх боломжтой. 
Амжилт фитнесс төвд Этүгэн ИС-н багш, ажилчид болон төгсөгч, суралцагсад 70 хүртлэх хувийн хөнгөлөлт эдэлдэг.