Этүгэн их сургуулийн оюутны холбоо нь (ЭИСОХ) сургуулийн эрхэм зорилго, үнэт зүйлсийг эрхэмлэн дээдэлж, аливаа улс төрийн нам эвсэл болон бусад хөндлөнгийн этгээдээс хараат бус, бие даасан, ашгийн төлөө бус  төрийн бус байгууллага юм.

     ЭИСОХ нь 2002 онд байгуулагдсан өөрийн  гэсэн оноосон нэртэй, тамга, тэмдэг, далбаа, хэвлэмэл материал уриатай. ЭИСОХ нь анх оюутны зөвлөл нэртэйгээр байгуулагдсан бөгөөд 2011 оноос оюутны ээлжит чуулганыг зохион байгуулдаг болсон.

Бидний эрхэм зорилго:
    Этүгэн их сургуулийн оюутны язгуур эрх ашгийг хамгаалж, үндэсний ухамсартай, өв тэгш боловсролтой, ёс зүйтэй болж төлөвшин хөгжихөд дэмжлэг үзүүлнэ.  

Зорилт: 

• Оюутны  суралцах, бие дааж хөгжих орчинг бүрдүүлэхэд бодитой хувь нэмэр оруулах;
• Оюутанд чиглэсэн үйлчилгээ, хөнгөлөлт, урамшуулалыг бий болгох;
• Оюутны нийгмийн асуудлыг дээшлүүлэхэд дэмжлэг үзүүлэх;
• Оюутанд зориулсан арга хэмжээ зохион байгуулах;
• ЭИСОХ-ны нэр хүндийг өндөрт өргөж, хүндэтгэн дээдлэх;
• Ангийн дарга болон клубын тэргүүдийн саналыг хүндэтгэн үзэх.

Этүгэн их сургуулийн оюутны холбоо-ны бүтэц зохион байгуулалт:

     ЭИСОХ нь 2021-2022 оны хичээлийн жилд тэргүүн, дэд тэргүүн, ерөнхий нарийн бичгийн дарга, удирдах зөвлөлийн гишүүд, курсийн ахлагч, идэвхтэн гишүүд нийлсэн 23 хүний бүрэлдэхүүнтэй ажиллаж байгаа бөгөөд Этүгэн их сургуулийн нийт клубийн үйл ажиллагааг дэмжин ажиллаж байна.

Этүгэн их сургуулийн оюутны холбоо нь   хамтран зохион байгуулж буй үйл ажиллагаанууд:

    ЭИСОХ нь тухайн хичээлийн  жилийн ажлын төлөвлөгөөг боловсруулж, санал авч сайжруулан,  батлуулан ажилладаг бөгөөд үйл ажиллагаагаа сайжруулах, чөлөөт цагаа зөв боловсон өнгөрөөх талаар дараах үндсэн чиглэлээр тогтмол үйл ажиллагаа явуулж байна.

• Оюутны эрдэм шинжилгээ, онол практикийн хурал, сургалт семинар, уулзалтыг сургуулийн захиргаа, холбогдох бүрэлдэхүүн сургууль, тэнхим, албан байгууллагуудтай хамтран зохион байгуулах;
• Суралцагчдын чөлөөт цагийг зөв боловсон өнгөрөөх зорилгоор төрөл бүрийн урлаг, спорт, олимпиад,  танин мэдэхүйн арга хэмжээг зохион байгуулах;
• Суралцагчдад тулгарч буй асуудлын санал хүсэлтийг өргөдөл хэлбэрээр хүлээн авч холбогдох хүмүүст танилцуулах, асуудлыг шийдвэрлэн эргэн танилцуулах;
• Бусад их, дээд сургууль, коллежийн суралцагчид, төрийн болон төрийн бус байгууллагуудтай хамтран ажиллах;
• Амжилттай суралцаж буй  болон амьжиргааны түвшин доогуур гэр бүлийн  суралцагчдыг дэмжин урамшуулах ;
• Сургууль, олон нийтийн ажилд идэвхтэй оролцдог суралцагчдыг урамшуулан Монголын оюутны холбооны тэргүүн дээд шагнал “Манлайлагч оюутан” “Нийслэлийн тэргүүний оюутан” шагналд тодорхойлох.

Оюутны холбоо нь клубуудын оролцоотойгоор хамтран дараах ажлуудыг зохион байгуулдаг. Үүнд:

• Суралцагчдын нийтийн тээврийн хэрэгслээр үнэгүй зорчих картны захиалга авах, хүлээлгэн өгөх үйл ажиллагааг зохион байгуулах;
• Суралцагчдын урлаг, гоо зүйн мэдлэг, мэдрэмжийг дээшлүүлэх, урлагийн авьяастай суралцагчдыг дэмжих үйл ажиллагаа зохион байгуулах;
• Хөгжлийн бэрхшээлтэй хүмүүс, ахмад настан, амьдралын боломж доогуур, өнчин хүүхдүүдэд туслах сайн үйлсийн аян зохион байгуулах;
• Суралцагчид бие биедээ “Хувь хүний хөгжил”-ийн лекц улирал бүр зохион байгуулах;
• Оюутны холбоо, клубуудын дунд нөхөрсөг  спортын тэмцээн зохион байгуулах;
• Суралцагчдын өөрийн эзэмшиж буй мэргэжилдээ дурлах, онол болон практикийн мэдлэгээ өргөжүүлэхийн тулд  олны танил эрхмүүдтэй ярилцлага уулзалт, зөвлөгөө өгөх үйл ажиллагааг зохион байгуулах;
• Урлагийн их наадмыг жил бүр зохион байгуулах;
• “Дэлхийн мэдлэгийг Монгол хүнд” гэсэн уриан дор сургалтын төвтэй хамтран АНУ, Хятад, БНСУ, Япон, ОХУ, Австрали зэрэг улсын тэтгэлэгт хөтөлбөрийн талаар мэдээлэл олгох  үйл ажиллагааг  зохион байгуулдаг.

Холбоо барих: 
ЭИСОХ-ны Тэргүүн - Д.Галмандах  (Анагаах ухаан IY дамжаа, холбогдох утас: 99370147);

ЭИСОХ-ны Дэд тэргүүн - У.Тэмүүлэн (Программ хангамж III дамжаа, холбогдох утас: 88313982);

ЭИСОХ-ны Ерөнхий нарийн бичгийн дарга - Ч.Ариунсувд (Нүүр  ам судлал IY дамжаа, холбогдох утас: 94124456). 

ЭИСОХ-ны үе үеийн удирдлагууд:

Он	Тэргүүн	Дэд тэргүүн	Ерөнхий нарийн бичгийн дарга
2011-2012	н.Чойжил    \Эм зүйч\	Б.Сумъяа \Био –Анагаах\
2012-2013	Б.Сумъяа \Био –Анагаах\	Э.Алтнаа \Био-Анагаах\	Б.Баярбаатар \Уламжлалт анагаах ухаан\
2013-2014	Э.Алтнаа \Био-Анагаах\	Б.Нинжбадгар \Уламжлалт анагаах ухаан\	Б.Баярбаатар \Уламжлалт анагаах ухаан\
2014-2015	Б.Нинжбадгар \Уламжлалт анагаах ухаан\	Д.Баярбат \Уламжлалт анагаах ухаан\	Г. Цацралтуяа  \Био- Анагаах\
2015-2016	Д.Баярбат \Уламжлалт анагаах ухаан\	Г.Цацралтуяа  \Био-Анагаах\	Б.Бямбабаяр \Хүний их эмч\
2017-2018	А.Мөнхбаяр \Уламжлалт анагаах ухаан\	Б. Гэлэгбалбар \Хүний их эмч\	Б. Энгүүн \Эм зүй\
2018-2019	А.Мөнхбаяр \Уламжлалт анагаах ухаан\	Г.Лхагвабат \Хүний их эмч\	Л. Мөнхгэрэл \Нүүр ам судлал\
2019-2020	Т.Бат-Эрдэнэ \Хүний их эмч\	Э.Банзрагчгарав \Төрийн захиргааны менежмент\	Ч.Ариунсувд \Нүүр ам судлал\
2020-2021	Т.Бат-Эрдэнэ \Хүний их эмч\	Д.Галмандах \Хүний их эмч\	Ч.Ариунсувд \Нүүр ам судлал\