Этүгэн их сургуулийн 2024 оны "БАХАРХАЛТ 100 ОЮУТАН"-д батламж гардуулах ёслол 12 дугаар сарын 25-ны өдөр амжилттай болж өндөрлөлөө.

Хичээл сурлага, урлаг, спортын амжилт болон нийгмийн оролцоо, идэвхи санаачилгаараа бусдыгаа уриалан дуудаж манлайлсан 100 оюутанд уг батламжийг гардуулсан юм. Ёслолын ажиллагаанд Этүгэн их сургуулийн Эрдэм шинжилгээ, инновац, гадаад харилцаа эрхэлсэн дэд захирал Б.Насанбаяр оролцож үг хэллээ.

Мөн энэ үеэр "2025 оны бүтээмжийн дадал таныг хэрхэн амжилтанд хүргэх вэ” сэдвээр Franklin covey Mongolia LLC байгууллагын гүйцэтгэх захирал, Олон улсын хүний хөгжлийн сургагч багш, "Өндөр бүтээмжтэй хүмүүсийн 7 дадал" сургалтын цогц системийн лектор Б.Солонго лекц уншиж амжилт хүсч байв.

Батламж гардуулах ёслолд Этүгэн их сургуулийн Oasis Band хамтлаг болон “Талст“ dance crew хамтлагууд баяр хүргэн мэндчилгээ дэвшүүлсэн юм. Мөн Этүгэн их сургуулийн зүгээс 2024 оны “БАХАРХАЛТ 100 ОЮУТАН”-д “Өндөр бүтээмжтэй хүмүүсийн 7 дадал” номыг бэлэглэлээ.