V ДАМЖААНЫ ОЮУТАН О.ГАНБААТАР “МЭС ЗАСЛЫН УЛСЫН VII ОЛИМПИАД”-ЫН ГАНЦААРЧИЛСАН ТӨРӨЛД ТЭРГҮҮН БАЙРТ ШАЛГАРЛАА

Ач АУИС-ийн дэргэдэх Залуу Мэс Засалч Клубээс Монголын анагаах ухааны их, дээд сургуулиудын дунд жил бүр уламжлал болгон зохион байгуулагддаг Хүний Гавьяат эмч, Төрийн соёрхолт, АШУ-ы Доктор, профессор, академич Т.Шагдарсүрэнгийн нэрэмжит “Мэс Заслын Улсын VII олимпиад” 3 дугаар сарын 22-ны өдөр ганцаарчилсан болон багийн төрлөөр зохион байгуулагдлаа.

Багийн төрөлд Гэмтлийн мэс засал, Ерөнхий мэс засал, Зүрх судасны мэс засал, Бүдүүн шулуун гэдэсний мэс засал, Гоо сайхны мэс засал,  Нөхөн сэргээх мэс засал,  Эрхтэн шилжүүлэн суулгах мэс засал, Дурангийн мэс засал, Мэдээгүйжүүлэг гэсэн 9 чиглэлээр багууд өрсөлдсөн.

Этүгэн их сургуулийн оюутнууд “Мэс Заслын Улсын VII олимпиад”-д ганцаарчилсан болон багийн төрөлд амжилттай сайн оролцож амжилтын эзэд боллоо.

ЭИС-ийн V дамжааны оюутан О.Ганбаатар (Анагаах 501) “Мэс Заслын Улсын VII олимпиад”-ын ганцаарчилсан төрөлд ТЭРГҮҮН байрт шалгарч өргөмжлөл, медаль, батламж, 200’000 төгрөгийн шагнал, ивээн тэтгэгчийн гарын бэлгээр шагнагдлаа.

ЭИС-ийн III, IV, V дамжааны оюутнуудаас бүрдсэн Б.Азжаргал ахлагчтай “Сканож, МGА” баг мэс заслын 9 төрөлд оролцсон байдлын нэгдсэн дүнгээр III байрт шалгарч өргөмжлөл, медаль, батламж, 300’000₮ мөнгөн шагнал, ивээн тэтгэгчийн гарын бэлгээр шагнагдлаа.

Мэс Заслын Улсын VII олимпиадын багийн төрөлд амжилттай оролцсон оюутнууд:

  • Анагаах 501 Л.Анхбаяр
  • Анагаах 401 Т.Ган-Очир
  • Анагаах 505 О.Бат-Эрдэнэ
  • Анагаах 507 Э.Болормаа
  • Анагаах 402 Б.Азжаргал
  • Анагаах 402 Б.Пүрэвдорж
  • Анагаах 409 Э.Хонгорзул
  • Анагаах 409 С.Сарантуяа
  • Анагаах 410 У.Насанжаргал
  • Анагаах 410 Б.Лхамсүрэн
  • Анагаах 301 О.Хаянхярваа
  • Анагаах 301 Д.Цэрмаа