Этүгэн Их Сургуулийн 2025-2026 оны хичээлийн жилийн бакалавр, дэд бакалаврын хөтөлбөрөөр элсэгчдийн хөтөлбөр баталгаажилт 2025 оны 8 дугаар сарын 20-ны өдөр хичээлийн II байранд эхэллээ. Элсэлтийн бүртгэл 2025 оны 8 дугаар сарын 31-нийг дуустал үргэлжилнэ. 

Этүгэн Их Сургууль 2025-2026 оны хичээлийн жилд бакалавр, дэд бакалаврын 27 хөтөлбөрөөр элсэлт авч байгаа бөгөөд шинээр элсэн суралцагчдадаа Оюутны хөгжлийн алба, Оюутны холбоо, Амжилт фитнес, Төв бассейн, Оюутны холбоо, Номын сан, Санхүү, хөтөлбөр баталгаажуулалт, Эмчийн үзлэг зөвлөгөө, Оюутны дотуур байрны бүртгэл хийлгэх зэрэг үйлчилгээг үзүүлж ЭИС-ийн танилцуулга, асуулт хариулт хичээлийн II байрны 3-р давхарт 10:00-12:00, 14:00-16:00 цаг бүрийн эхэнд өрнүүлж байна.

Мөн Чингэлтэй Нэгдсэн эмнэлэгтэй хамтран шинэ элсэгчдэд эрт илрүүлгийн үзлэг, шинжилгээ, оношилгоо, эмчийн зөвлөгөө өгч үйлчилгээ үзүүлж байна. Энэхүү эрүүл мэндийн үйлчилгээ нь 2025 оны 8 дугаар сарын 29-нийг дуустал үргэлжилнэ.