Чанарын менежмент
Этүгэн их сургууль нь алсын хараа, эрхэм зорилго, хөгжлийн стратегийн чанарын бодлого, хүрэх үр дүн, шалгуур үзүүлэлтийг үндэслэн чанарын баталгаажуулалтын
тогтолцоог хэрэгжүүлэхэд оролцогч талуудын оролцоо, хамтын ажиллагаанд суурилан төлөвлөж ажиллаж байна.
Чанарын дотоод баталгаажуулалтын тогтолцоо нь ректорын
шууд удирдлагад Байгууллагын соёл, хяналт шинжилгээ үнэлгээ, дотоод аудит хариуцсан баг, үндэсний болон Олон улсын магадлан итгэмжлэлийн байгууллагын шалгуур,
шаардлага, ISO стандартуудад суурилан үйл ажиллагаагаа төлөвлөн хэрэгжүүлж байна.
Этүгэн их сургуулийн эрхэм зорилго, алсын хараагаа хэрэгжүүлэх чанарын бодлогын хүрээнд ‘’Этүгэн их сургуулийн хөгжлийн стратеги: 2030” баримт бичгийг сургалт,
сургах орчныг олон улсын жишигт хүргэх; эрдэм шинжилгээ инновацыг олон улсын жишигт хүргэх; үндэсний болон олон улсад хүлээн зөвшөөрөгдөх нөхцөл боломжийг
хөгжүүлэх 3 үндсэн зорилго, 41 зорилтын хүрээнд түүнийг хэрэгжүүлэх үндсэн чиглэл, үйл ажиллагаа, шалгуур үзүүлэлтүүдийг тодорхойлсон.
Үндэсний болон олон улсад хүлээн зөвшөөрөгдөх нөхцөл боломжийг хөгжүүлэх зорилгын хүрээнд дараах зорилтыг дэвшүүлсэн. Үүнд:
2.2.3.1. Үндэсний болон улсын магадлан итгэмжлэлийн байгууллагаар хөтөлбөр, байгууллагын баталгаажуулалт хийлгэх ажлыг тасралтгүй, тогтвортой, төлөвлөлтөд
суурилан хэрэгжүүлнэ.
2.2.3.2 Олон улсын байгууллагын чансаа, рейтинг тогтоох үндэслэл, зарчим, шалгуурыг баримжаалан сургуулийн нэр хүндийг өсгөх, Азийн бүс нутагт
хүлээн зөвшөөрөгдөх боломжийг бүрдүүлнэ.
2.2.3.11 Олон улсын ISO:21001, ISO:45001 стандартуудыг хэрэгжүүлж, сургалт, эрдэм шинжилгээ, судалгаа үйлдвэрлэлийн үйл ажиллагааг төлөвлөх,
хэрэгжүүлэх, баталгаажуулах, гүйцэтгэл үр дүнг хянах чанарын менежментийн тогтолцоог бүрдүүлнэ.
Сургуулийн бодлого, хэрэгжилтийн соёл нь багаар ажиллах болон манлайлалд суурилсан суралцагч, багш судлаач, бүрэлдэхүүн сургууль, тэнхимийн хамтын ажиллагаа,
хүний нөөцийн менежментийг хөгжүүлнэ.
Этүгэн их сургууль нь сургалт судалгаа, хөтөлбөрийн оролцогч талуудын оролцоотойгоор тасралтгүй хөгжүүлэхэд чиглэсэн тодорхой давтамжтай,
үе шаттай чанарын дотоод болон хөндлөнгийн баталгаажуулалтын систем, тогтолцоо бүрдсэн нь онцлог юм.
- 2012 онд Боловсрол, соёл, шинжлэх ухааны яамаар аттестатчилагдаж Боловсролын магадлан итгэмжлэх үндэсний зөвлөлөөр 2 дахь удаагаа магадлан итгэмжлэгдсэн.
- 2021-2022 оны хичээлийн жилд Боловсролын магадлан итгэмжлэх үндэсний зөвлөлөөр ахисан түвшинд 3 дахь удаагаа магадлан итгэмжлэгдсэн.
- 2014 онд АНУ-ын дахь ACBSP (Accreditation Council for Business Schools and Programs) буюу Бизнесийн сургууль, хөтөлбөрийн магадлан итгэмжлэлийн зөвлөлөөр бизнесийн удирдлагын сургалтын хөтөлбөрүүдийг (нягтлан бодох бүртгэл, татварын эдийн засаг, нягтлан бодох бүртгэл, менежмент, хүний нөөцийн, хоол үйлдвэрлэл, үйлчилгээний менежмент, аялал жуулчлал, сувиллын менежмент) магадлан итгэмжлүүлсэн.
- Этүгэн их сургуулийн дүрэм
- Сургалтын нэгдсэн журам /12 бүлэг 170 хавсралт/
- Этүгэн их сургуулийн эрдэм шинжилгээ, инновацын журам
- Хөтөлбөрийг боловсруулах, сайжруулах, хэрэгжүүлэх бодлого чиглэл
- Этүгэн их сургуулийн номын сангийн журам
- Байгууллагын нууцын журам
- Мэдээллийн аюулгүй байдлыг хангах журам
Хөтөлбөрийн чанарын баталгаажуулалт нь хөтөлбөрийн (PLO) болон хичээлийн үр дүнгээ (CLO) тогтмол үнэлж, эргэх холбоог хөгжүүлэн, багш, төгсөгч, суралцагч, элсэгч, ажил олгогчдоос үе шат давтамжтайгаар авсан судалгааны үр дүн, нийгмийн эрэлт хэрэгцээ, хөгжлийн чиг хандлагад үндэслэн тасралтгүй сайжруулах, хэрэгжүүлэх үйл явцыг зохион байгуулах үндэс нь болдог. Үнэлгээ, судалгаанд суурилсан сайжруулалтыг тогтмол тасралтгүй хийж, баталгаажуулах тогтолцоог бэхжүүлэн, хэрэгжүүлэх ажлыг улирал, жилээр төлөвлөн ажиллаж байна.
“Сургалтын нэгдсэн журам”-ын 3.4.4-ийн заалт, хавсралт 28-ийн А, Б, В, Г-ийн дагуу хөтөлбөрт оролцогч талуудын сэтгэл ханамжийн судалгааг тогтмол хийж, үр дүн, анализ дүгнэлтийг бүхий л сургалт, үйл ажиллагаандаа тусган сайжруулан, хэрэгжүүлж байна. Хөтөлбөрийн оролцогч талууд болох сургуулийн удирдлага, багш, элсэгч, суралцагч, төгсөгч, ажил олгогч, хамтрагч байгууллага тус бүрээс хөтөлбөрийн үр дүнг агуулсан судалгаа санал асуулгыг төлөвлөлт хуваарийн дагуу зохион байгуулж, үр дүнд анализ дүгнэлт хийж, үйл ажиллагаандаа тусган хэвлэн олон нийтэд хүргэж байна.
Этүгэн их сургуулийн хөтөлбөрийн үр дүнг үнэлэх судалгааны удирдамжийн дагуу багш, суралцагч, ажил олгогч, төгсөгчдийн хүрээнд сэтгэл ханамжийн судалгааг тогтмол зохион байгуулдаг.
| № | Оролцогч талууд | Судалгааны нэр |
|---|---|---|
| 1 | Элсэгч | Түвшин тогтоох болон ЭЕШ-ын онооны хамаарал, сэтгэл ханамж маркетингийн судалгаа |
| 2 | Суралцагч | Хөтөлбөрийн үр дүнгийн сэтгэл ханамжийн судалгаа; Хичээл нэг бүрийн үнэлгээ; Сургалтын амжилт, чанар |
| 3 | Багш | Ээлжит хичээлийн өөрийн үнэлгээ; Багшийн сэтгэл ханамжийн судалгаа; Багшийн ажлын өөрийн үнэлгээ |
| 4 | Төгсөгч | Хөтөлбөрийн үр дүн, сэтгэл ханамжийн судалгаа; Төгсөгчдийн ажил эрхлэлтийн судалгаа. |
| 5 | Ажил олгогч | Ажил олгогчдоос авах судалгаа |